ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བཞུགས་སྒར་དུ་འཛམ་གླིང་གསར་འགོད་ཉིན་མོ་སྲུང་བརྩི་དང་། བོད་ཀྱི་སྐད་ཡིག་སྲུང་སྐྱོབ་བགྲོ་གླེང་། ཕྱི་སྲིད་དྲུང་ཆེའི་དཀྱིལ་ཤར་གཟིགས་སྐོར། སྲིད་འཛིན་བྷ་ཌན་གྱིས་སློབ་གྲྭའི་ར་སྐོར་ནང་གི་ངོ་རྒོལ་ཐད་གསུང་བཤད། ཨུ་ཡུག་དམག་འཁྲུག་ཁྲོད་ཀྱི་ཨུ་རུ་སུའི་དམག་མི་འདས་པོའི་གྲངས་འབོར་སོགས་ཡོད། དེ་རིང་གི་དྲ་སྣང་གི་བོད་དུ་བོད་ཀྱི་ལོ་རྒྱུས་མི་སྣར་ལོག་འགྲེལ་དང་དྲ་མང་གི་བསམ་ཚུལ་དང་། སྡེ་དགེ་མི་མང་གི་ཞི་རྒོལ་ལ་ཞིབ་འཇུག་སྙན་ཐོ། རོང་ཟོམ་བརྙན་འཕྲིན་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་གླིང་མཆོག་སྤྲུལ་རིན་པོ་ཆེ་ཨ་རིའི་རྒྱལ་ས་ཝ་ཤིང་ཊོན་དུ་ཕེབས་པའི་གོ་སྐབས་དང་བསྟུན་ནས་བོད་པ་བཙན་བྱོལ་པའི་ཁ་འཐོར་སྤྱི་ཚོགས་སུ་བོད་པའི་ཆོས་དང་རིག་གཞུང་། སྐད་ཡིག་དང་མི་རིགས་ཀྱི་ངོ་བོ་བཅས་པ་གཅེས་འཛིན་ཇི་ལྟར་བྱེད་དགོས་མིན་སོགས་ཀྱི་ཐད་བཅར་འདྲི་ཞུ་རྒྱུ་ཡིན།